Sound

Red Star

Surreal-scenes from the Golan Heights. Audio Duration: 00:06:41 / 2010 - 2017

نص تسجيل - النجم الاحمر

طلع الضو، عالصبح، والقرية على الجبل. التلفون عبيرن، وصوت سيفون الحمام عبيرن. اثنين قاعدين عبيحكو عالطاولة. في ولد عبيصفر بالصفيرة، وواحد عبيحكي بالمكرفون قاعد عالتلة، وبين الشجر عبيعيط بالمكرفون. في واحد حامل شخص متل كأنه مش حامله، وماشي بالشارع. وفي شخص ملفوف بقماش وشخص ثاني عبيشحطو. وفي امرأة لابسي كندرة وعبتفقش تفاح بالكندرة. وفي أولاد صغار عبيلعبو لعبة الإكس، بالحارة. في اولاد صغار عبيلعبو لعبة الحبلة. وعمزبلة البلد في شخص عبيتسلق عالزبالة. البيوت مرصوفة رصف، وبكل بيت فيه مكرفون. مكرفونات عبتعيط. في شخص عبيصرخ بالمكرفون، بوجه المكرفون بالمقلوب. وبالشارع سيارة بترجع برجوع، والناس قاعدة عبتشكي. وفي شخص عبيمشي لقدام بس شكلو بيرجع لورى، متل كأنه مرجع ترجيع. وصوت رذم بكل حارة، صوت المتة، خشة المتة. في شخص عبيدهن بيرسم خط وبيمحيه، بيرسم خط وبيمحيه، بيرسم خط وبيمحيه، بيرسم خط وبيمحيه. وفي ولد صغير في بحلقو وردة. وفي كتاب عبتقلب صفحاته الريح. وفي امرأة لفت عروس بلبنة ودقتها بالمسمار عالحيط. وفي واحد قاعد عكرسة الحمام عبيقرء الجريدة. وفي شخص ثاني عبيحلق تفاحة. وكل هذا الوقت في زلمة قاعد بالبلد عبيفتح الباب ويسكره. وبالمساء شب وصبية بالمطعم قاعدين، الصحن، أجا الأكل, بس أجا الأكل حط اصبعو بالأكل. والناس عبتحشي، الناس كلها عبتحشي، بتحط فراش، بتحط فوقو صباط، فوقه فراش، وبتحط شوية تفاح، فوقهن بطانية، بعدين بتحط شوية زراريع، وتحط فوقهن بطانية، بعدين شوية خس، بعدين فراش فوقهن، بتحط شوية خشب، وشوية أشخاص، وبتحط فوقهن فراش… حشي, يعني عبتحشي كل شي مع كل شي. وفي صبية عبتمشي بين شجر التفاح، معها لزقات جروحة، عبتلزق العنود، عنود الشجر. وفي اختيارية قاعدين عبيكتبو عالبيضات، وشعرهن عبيطول، عبيطول لأنه عبيهرب، مش عبيقدر يوقف انو مايطولش. وااااو… عشريط الحدود في جنود عبيدبكو. وبحقل الألغام في شب وصبية حطو طاولة وكرستين وعبيشربو كاسة نبيذ. وفي ناس طلعت عالتفاح، لفت التفاح بالقماش وركبت ميكرفونات على كل شجرة، وبلشو بحكو مع بعض. في يوم مرقت غيمة، عبتشتي ورد، طلعو ينادو، بنا انام بسلام. وفي واحد هاجم على الكرسي، شبق فيها شبق. في ولد صغير معصب، سبل ديه لتحت، وضرب رجله بالأرض. في يوم شتت الدنيا، طلعت الناس تغني، شتي شتي يا دنيا على سطوح البرية، شتي شتي يا دنيا على سطوح البرية. في يوم طلع النجم الأحمر، طلعت الناس تغني، نحنا هلى لونا البطيخ الأحمر احمر، نحنا هلي لونا التفاح الأحمر أحمر، نحنا هلي لونا الكرز الأحمر أحمر، أحمر أحمر. وضل لحد إسا طالع النجم الأحمر، الناس طولت شعرها، وعلقت مفاتيح البيوت بالجداديل، وصارت تخش، خش خش خش خش… في يوم قررت الناس تتصالح، فطلع قرار إنو مسموح التخميس، فطلعت الناس تخمس. عين, والعين عين، وعالأنف أنف، وعالأذن أذن، وعالوجنة وجنة، وعالفم فم، وعالذقن ذقن، وعالشعر شعر، وعالعنق عنق، وعالمكان مكان، مش أكثر ولا أقل. وكل الناس قاعدة عبتمشي على قاسم دحة وتتمرجح بالمرجوحة، قاسم دحة وتتمرجح بالمرجوحة، قاسم دحة وتتمرجح بالمرجوحة ٠٠٠

The Tunnel / النفق

Surreal-scenes i wrote on the ways; Vienna/ Bologna/ Paris. Audio Duration 00:04:28 / 2013

قطع خشب, حجر, عصفور, كبل كهرباء, شخص, سفينة, قطع حديد, بطة, نورس, باص, اشارة مرور, سيارة, رصيف, قارب, حبل, جسر, منحوتة, قهوة, موسيقى, ناس, حديث, صوت كاسات, حليب, صحون, تلفزيون, اخبار, جاز, نقاش وحديث ممزوج. جاء السيد, اهلا وسهلا. حديث على الهاتف, صوت الباب, اغلاق باب البراد, موسيقى جاز, ضحكة, التلفزيون عميعرض رياضة, ضحكة سيدة, قرائة جريدة, صوت صحون وكاسات. انطلب المزيد من القهوة. خشب البار بني غامق, الكاسات معلقة بالمقلوب في سقف البار. الباب مواجه وبجانبه معلق التلفزيون.  المكان قديم, الطاولات كراميك اسود. المقاعد والطاولات مثبته بالارض. المكان حي. الناس يشربو القهوة. وصوت ماكينة القهوة لا يتوقف. زبائن جدد. مربع فيه نقاط… ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة ونقطة يعني نقاط كثير. وشششششش وششششششش وشششششششش, جاء ركاب جدد, حقائب , المضيفة تطلي التذاكر. وشششششش, كمان مرة وشششششش. في النفق الصوت يحيط بك بشكل دائري, من كل اتجاه. صوت الاصطدام بالهواء, فسحة, النفق السابع,  في النفق خمسين الف صوت, تصنعهم, تصدرهم, تسمعهم, وتسبقهم, وتلحق بهم. ليس للاتجاه اذرع. فرار من الذات الى الامام ومن المكان الى الذات الى الامام. المكان يفر من نفسه اليك لتفر به الى الامام. فسحة, النفق الثامن. فسحة, النفق التاسع. فسحة, النفق العاشر… في طريق العودة تساقط الثلج بشكل افقي, فالقطار لا ينتظر هدوء السقوط. نقطة. ونقاط كثيرة

M-Nada / منادا

Record of sounds from Majdal shams village, Golan-Heights. in 2010-2011-2012. Audio Duration 00:01:10. "Haaalooooooo, The western entrance of the village... closed."  يا جماعتنا يا اهل البلد, مدخل البلد الغربي مسكر لاشـــــــعار اخـــــــــــــر

Lak Lak / لق لق

An answer to an occurrence of a future shit. Audio Duration: 00:00:34 / 2011

جواباً على حدوث خرية مقبلة
”لقلقَ اللقلقلُ لقلقاً صغيراً، فلقلقَ اللقالقَ لقالقاً كثيرةً. ...لق لق لقت الفواخير الزلعومية لأجل قذف المادة الخطابية، فلقلقوا كثيراً. لق لق لق“